CHARLES D'ORLÉANS (1394–1465) CHANCON. 10

CHANCON.

Qui la regarde de mes yeulx,
Ma Dame, ma seule maistresse,
En elle voit, à grant largesse,
Plaisirs croissans de bien en mieulx.
Son parler et maintien sont tieulx
Qu'ilz mectent un cueur en liesse.
Qui la regarde, etc.
Ma Dame, etc.

Tous la suient, jeunes et vieulx,
Dieu scet qu'elle n'est pas sans presse;
Chascun dit: C'est une deesse
Qui est descendue des cieulx.
Qui la regarde, etc.