Charles Coypeau d'Assoucy (1605-1677) (Jouyssance.)

(Jouyssance.)
Le ciel a calmé la tempeste,
Jesuis à l'ombre d'un laurier,
La fortune me vient prier,
Les dieux ont signé ma requeste,
L'astre qui preside au bon-heur
Luit maintenant en ma faueur:
L'air a dissipé son nuage,
Jedescouure le point du nord,
Jesuis garanty de l'orage,
Un dieu me conduit dans le port.
Mon espoir a banny la crainte,
Le soleil retranché mes nuits,
L'allegresse mes longs ennuis,
Et ma bouche finy ma plainte:
Amour brauement assorty
Se vient ranger de mon party,
Les disgraces ont pris la fuitte,
Le soucy n'est plus de saison,
La bonne chere est de ma suitte,
Et Iodelet de ma maison.

Aux biens que le ciel me presente,
Mon coeur se nourissant d'espoir,
Mon ame ne peut conceuoir
Rien au dessus de son attente:
La fortune pour mon respect
N'a desja rien que de suspect;
La jouyssance d'un empire,
Ny la felicité d'un roy,
Puis qu'amour accorde à ma foy
Bien-tost la fin de mon martyre.