Guillaume Colletet (1598-1659) Sonnet, tiré d' un long poëme pastoral

Sonnet, tiré d' un long poëme pastoral fait par
L' autheur, sur le trépas de Scevole De
Sainte Marthe, tres-excellent poëte 1623.



Toy qu' un sort bien heureux conduit sur ce rivage,
Si tu te sens touché d' un louable soucy
De sçavoir qui repose, ou qui triomphe icy,
Sçache que c' est l' honneur de nostre pâturage.

C' est Scevole, ou plustost l' Amphion de nostre âge,
La gloire d' Apollon, et des graces aussy,
Puis que son luth charmant, et son chant adoucy
Dompta l' ours furieux, et le tygre sauvage.

Il te suffit passant, avance ton chemin
En semant ce tombeau de lys et de jasmin,
Et de toutes les fleurs que le printemps assemble.

Mais apres ces devoirs ne le souspire pas,
Puis qu' enfin tous les coeurs de tout le monde ensemble
Ne sçauroient dignement soûpirer ce trespas.