RONDEL.
Bien viengne doulx regart qui rit,
Quelque bonne nouvelle porte,
Dont Dangier fort se desconforte,
Et de courroux en douleur frit.
Ne peut chaloir de son despit,
Ne de ceulx qui sont de sa sorte.
Bien viengne, etc.
Quelque, etc.
Dangier dist: baille par escript,
Et qu'il n'entre point en la porte;
Mais Amour, comme la plus forte,
Veult qu'il entre sans contredit.
Bien viengne, etc.