CHARLES D'ORLÉANS (1394–1465) CAROLE EN LATIN.

CAROLE EN LATIN.

Laudes Deo sint, atque gloria,
Hoc tempore, pre cordis gaudio,
Exultemus cum Dei Filio,
Misso nobis a patris gracia.

Tunc prophete vere predixerant
Nasciturum de pura virgine,
Ut salvaret hos qui perirant,
Pro parentum dampnati crimine.

Tunc natus est ex stirpe Regia,
Flos ascendens de Jesse gremio;
Illi honor et benedictio
Qui nos replet tanta leticia.
Laudes, etc.

Sic induit se carne hominis,
Ut per carnem, carnem redimeret,
Sic amorem demonstrans servulis,
Quos creavit ne ipsos perderet.

O miranda Regis clemencia!
Qui non parcens corpori proprio,
Se obtulit diro supplicio,
Nostra sanans cruore vicia.
Laudes, etc.